عمرك قعدتى لوحدك وعملتى وقفة مع نفسك؟
النهاردة اقعدت شوية مع نفسى لان حياتى مش عجبانى
وعاوزة اغيرها
انا من اول ما بفتح عينى لحد ما أنام وانا مفيش حاجة بعملها ولا شاغلة تفكيرى غير التنضيف والاكل والنت
ايه ده هو انا خدامة ولا ست البيت؟
قولت لنفسى طب ايه لحد امتى هفضل كدة فالدوامة دى ومش واخدة بالى من نفسى ولا ولادى ولا جوزى
ومش معنى كلامى انى مهملاهم خالص لا
بس فى حاجات تانى كتير غير انى احمى العيال واكلهم واحضر لجوزى الاكل
واعمله الشاى
او .... مش هقول بقى بتكسف
قعدت حسبتها مع نفسى
قولت انا بنام تقريبا 7 ساعات
من 24 يتفضل 17ساعة
يبقى خلاص انا الوقت المتاح ليه ان اعمل فيه اى حاجة اتحدد
فاضل ايه ؟
الحاجات الى عاوزة اعملها فى ال17 ساعة
ايه هى؟
اولا:العبادات
هخصصلها ساعة فاليوميعنى تقريبا 12 دقيقة بعد كل صلاة
خلوا بالكوا وقت الصلاة مش محسوب
ال12 دقيقة دول مرة اقرا قران لحد ما اختمه
ومرة اذكار ومرة ادعية ومرة استغفار
ومرة حفظ قران
يبقى الحمد لله خلصت من اهم حاجة
ثانيا: البيت
تنضيف وغسيل واكل
قلت طبعا هشتغل فيهم كلهم فنفس الوقت يعنى الغسيل شغال والاكل عالبوتوجاز
والبيت بيتنضف
5.30 ساعات
5 ساعات دول الصبح والنص ساعة بالليل
الملم فيهم الشقة واشطب المطبخ واظبط الحمام
ثالثا:الاولاد
هحمى والبس واسرح
1ساعة
و1ساعة كمان اعد معاهم الاعبهم او نعمل اى حاجة مفيده
ماهو برضو انا ماما مش دادة
رابعا:جوزى
برضو هخصصله ساعة اعد فيها معاه لوحدى من غير عيال ودوشة
انا وجوزو والروقان والانسجام والاستجمام
هههههههههههههههه
خامسا:انا بقى
عاوزة اهتم بنفسى
المسكات الى المفروض انها هتعد وقت طويل زى الشعر هعمله اول ما اصحى قبل ما ابتدى فشغل البيت ولما اخلص اخد شاور والبس حاجات الخروج الى بطلت البسها
انما لو هعمل مثلا بادكير هياخد تقريبا 30 دقيقة
وطبعا قبل ما انام البيبى دول واللانجيرى
سادسا:يوم فالاسبوع زيارات عائلية اواخرج الولاد
كدة يبقى مجموع الساعات
10 ساعات
يبقى فاضل 7 ساعات
دول طبعا فيهم وقت ضايع زى مثلا تليفون -ريحت شوية من شغل البيت
-شراء متطلبات البيت
وطبعا كام ساعة للنت
يااااااااه ده اليوم طويل اوى بس احنا الى بنلف حوالين نفسنا
وطبعا بعد رمضان والعيد الدنيا معايا متلغبطة
وبقيت بصحى متاخر
فطبعا عشان يفضلى الوقت ده واقدر استغله
لازم اصحى بدرى
ان شاء الله هجرب من بكرة النظام الجديد
موضوع: من أول ماصحى لحد ما أنام 
08.08.14 0:18
اوسمة