1- اول حاجه وانتى بتشترى حاجتك متشتريش حاجات كتيررررررررررر وتقولى اصل اهل جوزى هيعدوا لا نصحتى ليكى سيبك من كلام الناس واشترى ما هو اقيم واغلى اشترى طقم او اتنين من اى حاجه سواء ادوات المطبخ او المفروشات بس هاتى حاجات نضيفه وغاليه احسن من حاجات رخيصه ومش حلوه
2- طبعا كلنا قبل ما نجوز لازم بنشترى برفانات وادوات مكياج اعملى عضويه فى ايفون او اوريفليم وهاتى المنتجات بسعر العضويه طبعا هيوفلك كتير ودلوقتى الشركه بتبعتلك مندوب لحد باب البيت وبلاش حد يقولك البرفان دا ب 100 لا هتيه انتى من الشركه واستنى التخفيضات واشترى
3- اشترينا كلنا برفانات كتير طيب عايزين نعتقها ونخلى ريحتها الرشه الواحده تملى البيت وتخلى جوزى يمشى ورايا فى البيت هنعمل ايه وعن تجربه هاتى حوالى كيلو رده مثلا وهاتى الازايز طبعا من غير العلب وحطيها فى وسط الرده فى كيس وفى اوضه ضلمه او تحت السرير او اى مكان ضلمه وانسيها لحد ما تجوزى ولما تخرجيها شمى وادعيلى هتلاقى ريحتها ظاهره من غير ما تفتحى الغطا بتعها والله
4- طيب دلوقتى جينا بنرص الدولاب وبفرش شقتى وفرحانه اعملى بقه حاجه هتخلى الناس كلها تجنن هاتى زيوت البرفان من عند بتاع البرفان هاتى مسك وورد وبنفسج وفل وياسمين واى زيوت تعجبك تمام مش هيكلفك حاجه مهى بجملت المصاريف بقه وتعالى على كل عفش الشقه من دولاب اوضه النوم وادراج التسريحه والكميدينو والنيش والبوفيه وكل مكان فيه ادراج هاتى كيس قطن واقطعى حته قطنه وحطى عليها زيت وامسحى بالقطنه بس خلى مثلا اوضه النوم بنوع زيت واحد عشان ميبقاش فى روايح كتير والسفره والنيش بنوع تانى وادراج المطبخ بنوع وهكذا وبعد ما تمسحى كل حاجه وكله تمام سيبى الادراج ووضولف الدولاب والنيش كل مفتوح بتاع حوالى ساعه وبعدين رصى بقه اللى انتى عيزاه وشوفى كل اللى هيجيلك ويفتح دولابك وهيشم ريحه تجنن مش هيمشى من قدمها
5- ماشى بنرص الدولاب دلوقتى هنعمل حاجه جميله وجهزيها وانتى مخطوبه قبل زنقه الجواز هاتى قوالب مسك بيتباع القالب ب 3 جنيه وفى ناس جربت الصابون بس انا جربت قوالب المسك من اول الجواز لحد دلوقتى 8 شهور يعنى تحفه بجد وجوزى كل شويه يقولى ايه الريحه الجميله دى هنعمل ايه بقه
هنجيب قوالب المسك وبالسكينه هنقطعها مربعات صغيره وجبت شاش او قماش اورجانزا وقطعته مربعات صغيره وجبت شرايط ستان عشان تبقى شكلها شيك شويه وحطيت فى كل مربع شاش او اورجانزا قطعه مسك وربطها فيونكه بالشرايط الساتان وعملت كتيررررررررررررر اوى و وانا برص هدومى وهدوم جوزى والفوط والملايات بقيت احطها وسط الحاجات دى كلها وكل ما اطلع حاجه والاقيها ظهرت اخدها واحطها تانى وسط الهدوم والله ساعات جوزى ياخد قميص وميرداش يحط برفان يقولى دا ريحته تحفه لوحده ولا هدومك هتفضلى تقولى الريحه الجميله دى جايه منين ودى حصلت معايا والله فضلت ادور مره فى الشقه على الريحه الحلوه جايه منين ولما عرفت انها ريحه الترنج فضلت اضحك
6- طبعا كلنا جبنا قمصان وبدل رقص كتير وكلنا عنده ست حشريه او بنت ست حشريه اللى بتفضل تتفرج فى حاجه الواحد وعايزين نخبيها منها نعمل ايه بقه جبت 2 متر ستان اللون اللى تحبيه وقصيته زى اكياس كده مربعه ورحت عند الخياط عملى ليهم اوفر على حرفهم وبقى عند احلى اكياس حطيت فيهم كل الحاجات اللى بتحرج منها وبالشرايط الستان عملت احلى فينكه عليهم وفى درج من الادراج رصتهم فوق بعض ولما حد كان بيسألنى اقوله دى حاجات خاصه وطبعا محدش بيقولى افتحى عشان اتفرج الفكره دى عجبت جوزى جدا بعد ما اتجوزنا
7- اشترى زيوت عطريه عندك بزياده طبعا فى اول الجواز هتلاقى ناس كتير جيالك واكيد هتمسحى الشقه حطه شويه من الزيت فى مايه المسح وشمى ريحه الشقه جنه وعن تجربه
8- عايزه طقم الانتريه يطلع ريحه حلوه كل ما حد ييجى يقعد عليه طيب سهله هاتى سرنجه من الصيداليه وحطى فيها شويه زيت اسحبى الزيت العطرى زى ما بتسحبى الحقنه وادينى حقنه بس للانتريه والله كل ما حد هييجى يقعد هيلاقى ريحه جميله طلعت من الانتريه وكله هيقولك ايه الريحه اللى طلعت فجأه دى ودى مش اختراعات والله انا بعمل كل الحاجات دى وجربوها هتدعولى
9- متخلوش حاجات كتير اوى على التسريحه زى ما بشوف متخلوهاش معرض لحاجتك لا هقولك انا عملت ايه ياستى انا تسرحتى من النوع اللى الجانبين بتوعها عالى وفى النص واطى فجيت على الجمب اليمين جبت قفص الحديد اللى بيتحط فيه الدباديب من محل دباديب وخليه يزينهولى اكنى هحط فيه هديه لعيد الحل بالظبط وحطيت فيها برفاناتى بشكل حلو وجميل وجيت على الجمب العالى الشمال جبت بوكس بتاع هدايا برده وعليه قلوب ولونه احمر وحتيطت من تحت قطن كتير والشرايط اللى بتلمع وحطيت فيه برفانات جوزى بس مليت البوكس بقطن عشان البرفانات تبقى عاليه وظاهره وجبت طرحه تل كانت عندى ولفتها حوالين البوكس وعملتها على شكل فيونكه بايدى كده والجزء الواطى حطيت عليه حاجات المكياج وعلبه كريم وحاجات بسيطه بس كل اللى دخل عندى ساب كل اوضه النوم والعفش ومسك فى القفص والبوكس وعملتيهم فين وبكام وفكره تحفه وكده بقه
حاجات فى المطبخ بقه بصى ياستى محدش فيا شاطر فى الطبخ 100 % بس ادينى بنجرب ومره بتنجح ومره بتفشل بس اتعلمى من اخطائك ومهما كنتى ممتازه فى الطبخ برده هتلاقى جوزك متعود على حاجات غير اللى انتى بتعمليها او متعود عليها بطريقه تانيه ومتنسيش انه بياكل اكل والدته لحد ما اتجوزك ومتعود عليه وهيفضل فتره كبيره مستغرب اكلك حتى لو ممتاز
1 -بصى ياستى لو بتعملى رز ولقتيه وهو بيستوى لزق فى الحله او ناشف زودى مايه حاجه بسيطه طيب ولو لقتيه المايه او الشوربه تاعته زياده هترميه لاااااااااااا وطبعا مش هنقدمه كده هيقولك عملالى رز معجن هنعمل ايه بقه
هاتى فوطه نضيفه وناشفه وافتحى غطا الحاله وغطى وش الحله بالفوطه واقفلى عليها الغطا كويس اوى وسبيه يستوى وبعد شويه طلعى الفوطه وحطيها على الوش التانى هتلاقيها منديه كده وكلى احلى رز ولا معجن ولا اي حاجه
وانا عملتها كتيرررررررررر بقه وبيقولى الله ينور والله بعد ما كان فى الحله معجن
2- لو بتعملى طبيخ وطلع حادق هيصدفك كتير اوى هترميه ولا هتزودى ميه او شوربه ومش هيبقى خضار هيبقى شوربه خضار لا هنعمل ايه بقه هاتى بطاطسايه كبيره وقشريها واقطعيها اربع تربع وحطيها فى الخضار او اى حاجه هتلاقيها اكلك مظبوط
3- طبعا كلنا بنحب الكشرى ولازم بصل مع الكشرى وكلنا بنحب بصل المطاعم عشان مقرمش وجميل طيب ما نعمله فى البيت كل اللى هتعمليه هتحطى معلقتين دقيق على البصل او 3 ملاعق على حسب الكميه وتقلبيه بمعلقه هتلاقى كل البصل اللى عندك عليه دقيق سجنى الزيت جامد واقلى فيه البصل والله هتكلى احلى بصل مقرمش وجميل ومش محتاج بقه تحطيه فى الهوا 10 ساعات عشان ينشف ولا اى حاجه هو طالع ناشف جاهز وانا لسه عملاه النهرده
4- حاولى دايما تعملى اكل على قدك وبلاش الكميات اللى بنعملها وفى الاخر بنرمى واعملى اكل يوم بيوم احلى ولو ياستى زاد عندك اكل اوعى ترميه هاتى علب حفظ واغلى الطبيخ والشربه الاول قبل الحفظ وعلى الفريزر هييجى عليكى يوم مكسله تطبخى او جوزك جاع بالليل طلعى وسخنى
5- نصيحه لكل اللى هيتجوزوا دايما اعملى عصاير فى تلاجتك لحسن جوزك جسمه ينشف انا محدش قالى الكلام دا بس لما عملت او ازازه عصير خلصت فى يومها ولقيت جوزى بيقولى اعمليلى اى عصير عودى نفسك يبقى فى اى فاكهه فى البيت من اللى بيحبها جوزك طبعا تعمليها عصير وعوديه يشرب حتى لو مش بيحب عوديه من اول الجواز
موضوع: نصايح للعرايس 
15.08.14 6:37
