فى حاجات كتير تتغير بمجرد اننا نغير حاجات فى تفكيرنا
وبالتالى فى سلوكياتنا
فى حاله بتحصل
الناس الى بتعمل رجيم عارفاها كويس اوى
انه دايما عنده رغبة مثلا انه ياكل (شيكولاته -شيبسى-حاجة مسكرة-مياه غازية)
الحاله دى اشبه مايكون بالوحم
الناس الى بتعمل رجيم بيجيلها كتير من النوبات دى
فاجأه وحاله ملحة فى وقت فجائى عاوز ياكل حاجة معينة
الموضوع ده طبعا مختلف عن الجوع
الجوع بيحصل بشكل تدريجى زى مأى واحد بيبقى عايز ياكل
احنا لو قدرنا نسيطر عالنوبات دى
هنبقى قدرنا نقطع شوط كبير جدا فى تخفيف وزننا
الناس الى عملت ابحاث عن الموضوع ده
بيقولوا الى قدروا يسيطروا عليه عملوا حاجة او حاجتين مالى هقوله دلوقتى
اول حاجة تشتيت الانتباه
يعنى اول ما تحسى انك عاوزة تاكلى حاجة كدة حاولى تشغلى تفكيرك بحاجة محتاجة تركيز زى مثلا
جيم عالموبايل
عمل حسابات خاصة بيكى بالورقة والقلم
حل كلمات متقاطعة
مكالمة تليفون طويلة
اى شغل يدوى
الحاجة التانية ربط الرغبة بحاجة تانية متعبة
زى مثلا لما احب اكل حاجة من دى وفعلا اكلتها يبقى احكم على نفسى بحاجة متعبة
زى طلوع ونزول السلم كذا مرة
او ممارسة الرياضة لمدة طويلة
ولازم طبعا الالتزام بالربط ده
عشان اول ما يجى فبالك انك تلغبطى تبقى عارفة انك هتعاقبى نفسك وبالتالى نفسك تتسد
هههههههههههههههههه
الصورة دى للتعذيب فقط